Дакументы і (або) звесткі, якія прадстаўляюцца грамадзянінам пры звароце

1.Заява;

2. Пашпарт або іншы дакумент, які сведчыць асобу заяўніка і членаў яго сям'і (для непаўналетніх дзяцей ва ўзросце да 14 гадоў - пры яго наяўнасці); даведка аб вызваленні - для асоб, вызваленых з месцаў пазбаўлення волі;

3. Пасведчанне аб нараджэнні дзіцяці - для асоб, якія маюць дзяцей ва ўзросце да 18 гадоў (для замежных грамадзян і асоб без грамадзянства, якім прадастаўлены статус бежанца або прыстанішча ў Рэспубліцы Беларусь, - пры яго наяўнасці);

4. Пасведчанне аб устанаўленні бацькоўства - для жанчын, якія нарадзілі дзяцей па-за шлюбам, у выпадку, калі бацькоўства ўстаноўлена;

5. Пасведчанне аб заключэнні шлюбу - для асоб, якія знаходзяцца ў шлюбе (для замежных грамадзян і асоб без грамадзянства, якім прадастаўлены статус бежанца або прыстанішча ў Рэспубліцы Беларусь, - пры яго наяўнасці);

6. Копія рашэння суда аб скасаванні шлюбу або пасведчанне аб скасаванні шлюбу - для асоб, якія скасавалі шлюб;

7. Выпіска з рашэння суда аб усынаўленні (удачарэнні) - для асоб, якія ўсынавілі (удачарылі) дзіця, не названых у якасці аднаго з бацькоў (бацькоў) дзіцяці ў пасведчанні аб нараджэнні дзіцяці;

8. Копія рашэння мясцовага выканаўчага і распарадчага органа аб устанаўленні апекі - для асоб, назначаных апекунамі дзіцяці;

9. Пасведчанне інваліда - для інвалідаў;

10. Пасведчанне дзіцяці-інваліда - для дзяцей-інвалідаў;

11. Пасведчанне аб дзяржаўнай рэгістрацыі індывідуальнага прадпрымальніка - для індывідуальных прадпрымальнікаў;

12.Працоўная кніжка (пры яе наяўнасці) - для непрацуючых грамадзян і непрацуючых членаў сям'і (выпіска (копія) з працоўнай кніжкі або іншыя дакументы, якія пацвярджаюць занятасць, - для працаздольных грамадзян);

13. Звесткі аб атрыманых даходах кожнага члена сям'і за 12 месяцаў, якія папярэднічаюць месяцу звароту (для сем'яў (грамадзян), у якіх член сям'і (грамадзянін) звольнены з работы (службы) у сувязі з ліквідацыяй арганізацыі, спыненнем дзейнасці індывідуальнага прадпрымальніка, натарыуса, які ажыццяўляе натарыяльную дзейнасць у натарыяльным бюро, спыненнем дзейнасці філіяла, прадстаўніцтва або іншага адасобленага падраздзялення арганізацыі, размешчаных у іншай мясцовасці скарачэннем колькасці або штата работнікаў, - за 3 месяцы, якія папярэднічаюць месяцу звароту), акрамя звестак аб памерах пенсій з улікам надбавак, даплат і павышэнняў, дапамог па догляду інваліда 1 групы або асоб, якія дасягнулі 80-гадовага ўзросту, дапамог, што выплачваюцца згодна з Законам Рэспублікі Беларусь ад 29 снежня 2012 г. № 7-3 «Аб дзяржаўных дапамогах сем'ям, якія выхоўваюць дзяце» (за выключэннем дапамогі жанчынам, якія сталі на улік у арганізацыях аховы здароўя да 12-тыднёвага тэрміну цяжарнасці, і дапамогі ў сувязі з нараджэннем дзіцяці), якія выплачваюцца і далучаюцца да матэрыялаў справы органамі па працы, занятасці і сацыяльнай абароне;

14. Даведкі аб рэалізацыі прадукцыі жывёльнага паходжання (за выключэннем малака), пладоў і прадукцыі асабістай падсобнай гаспадаркі, прадуктаў прамысловай дзейнасці - у выпадку рэалізацыі названай прадукцыі;

15.Дагавор аб падрыхтоўцы спецыяліста з вышэйшай адукацыяй, спецыяліста (рабочага) з сярэдняй адукацыяй, рабочага (служачага) з прафесійна-тэхнічнай адукацыяй на платнай аснове - для студэнтаў, якія атрымліваюць адукацыю на платнай аснове з прыцягненнем крэдыту на льготных умовах для аплаты першай вышэйшай адукацыі або за кошт сродкаў юрыдычных асоб, а таксама фізічных асоб, якія вядуць з імі раздзельную гаспадарку;

16. Дагавор рэнты і (або) пажыццёвага ўтрымання з утрыманнем - для грамадзян, якія заключылі названы дагавор;

17. Дагавор найму жылога памяшкання - для грамадзян, якія здавалі па дагаворы найму жылое памяшканне на працягу 12 месяцаў, папярэдніх месяцу звароту (для грамадзян, звольненых з працы (службы) у сувязі з ліквідацыяй арганізацыі, спыненнем дзейнасці індывідуальнага прадпрымальніка, натарыуса, які ажыццяўляе натарыяльную дзейнасць у натарыяльным бюро, спыненнем дзейнасці філіяла, прадстаўніцтва або іншага адасобленага падраздзялення арганізацыі, размешчаных у іншай мясцовасці, скарачэннем колькасці або штата работнікаў, - на працягу 3 месяцаў, якія папярэднічаюць месяцу звароту)

Дакументы, якiя патрабуюцца цэнтрам

1. Даведка, якая змяшчае звесткі з запісу акта аб нараджэнні, калі запіс аб бацьках дзіцяці праведзены ў адпаведнасці з артыкулам 55 Кодэкса Рэспублікі Беларусь аб шлюбе і сям'і;

2. Даведка аб месцы жыхарства і складзе сям'і, а ў выпадку, калі члены сям'і не зарэгістраваны па адрасе заяўніка, - даведкі аб месцы іх жыхарства;

3. Даведка аб прыналежных грамадзяніну і членам яго сям'і правах на аб'екты нерухомай маёмасці або аб адсутнасці такіх правоў;

4. Дакументы, якія пацвярджаюць атрыманне льгот па аплаце харчавання дзяцей ва ўстановах дашкольнай адукацыі ў памеры іх грашовага эквівалента;

5. Іншыя дакументы, неабходныя для прадастаўлення дзяржаўнай адраснай сацыяльнай дапамогі ў выглядзе штомесячнай і (або) аднаразовай сацыяльнай дапамогі.

Памер платы

бясплатна

Максімальны тэрмін разгляду звароту

5 працоўных дзён з дня падачы заявы, а ў выпадку запыту дакументаў і (або) звестак ад іншых дзяржаўных органаў, іншых арганізацый 5 працоўных дзён пасля атрымання апошняга дакумента, неабходнага для прадастаўлення дзяржаўнай адраснай сацыяльнай дапамогі

Тэрмін, на які прызначаецца дапамога

аднаразова - пры прадастаўленні аднаразовай сацыяльнай дапамогі

ад 1 да 12 месяцаў - пры прадастаўленні штомесячнай сацыяльнай дапамогі

Звяртацца ў дзяржаўную ўстанову «Іванаўскі тэрытарыяльны цэнтр сацыяльнага абслугоўвання насельніцтва» г. Іванава, вул. Леніна, д. 7, каб. № 7; прыём дакументаў па ДАСД у выглядзе штомесячнай і (або) аднаразовай сацыяльных дапамог: панядзелак, аўторак, серада, пятніца з 8.00 да 13.00, з 14.00 да 17.00, чацвер з 8.00 да 10.00; тэлефон 9 02 81; Клімовіч Святлана Аляксандраўна, спецыяліст па сацыяльнай рабоце, у выпадку адсутнасці звяртацца да Клімовіч Наталлі Ільінічны, загадчыка аддзялення комплекснай падтрымкі ў крызіснай сітуацыі і забеспячэння дзённага знаходжання для грамадзян пажылога ўзросту, каб. № 12; прыём дакументаў па ДАСД у выглядзе штомесячнай і (або) аднаразовай сацыяльных дапамог: панядзелак, аўторак, серада, пятніца з 8.00 да 13.00, з 14.00 да 17.00, чацвер з 8.00 да 10.00; тэлефон 2 19 69

ВЫШЭЙШАЯ АРГАНІЗАЦЫЯ

Камітэт па працы, занятасці і сацыяльнай абароне Брэсцкага абласнога выканаўчага камітэта

г. Брэст, вул. Гогаля, д.71

Рэжым працы: панядзелак-пятніца з 8.30 да 13.00; з 14.00 да 17.30